انا الملك ..

https://www.youtube.com/watch?v=KJPfTP3k-mw

انا الملك في الحب  والذوق  والصد ..

                        وانا الحليم  اللي على الجرح  صبار ..

عند  الوله  مالي  محاذير أو حد ..

                     ومن صدني  قفيت  واهديته   ازهار ..

                        *** 

وحدي في حزني مالي وصفٍ ولا ند ..

                        وافراحي  تعرفنـي  انا ابنها  البار ..

حنون  من  طبعي ولا  ابيح  السد ..

                        واللي ظلمني  عنه  انا اقـدم  اعذار ..

                        ***

أحلم  وانا  نايم  بعصفور غرد ..

                        كنـه  يناجـيـني  على  جاله  انـهار ..

وافز أنادي  بس هالحلم  ما رد ..

                      أحلامي  ألقـاها   كتـابـات  جدران ..

                        *** 

حزني من اللي شاف من روعته شد ..

                    قال انت أحزن مني وش باقي ما صار ..

قلت انتظر ما شفت دمعي على الخد ..

                        قال : إلا  بمشـي عـل ألقا  لي ديار ..

                        *** 

هذي  حيـاتي  حلم   تـتـنـفـس  الورد ..

                    واحيان هي اعصار في جوف اعصار ..

بس الملك لا دارت وحصحص الجد ..

                      يبقى  ملك  والغـيـر  يادوب  تذكار ..

                   ***** 

youtube.com/watch?v=JUq7tSfyCpA …